RSS

Golwg360

MwyCau 

Lansio ymgyrch ryngwladol i ddenu nyrsys i Gymru

Mai 9, 2017 07:26 Diweddarwyd am 08:16


Llun: PA
Mae ymgyrch ryngwladol newydd i annog nyrsys i hyfforddi, gweithio a byw yng Nghymru wedi cael ei lansio heddiw.

Mae’n rhan o ymdrech Llywodraeth Cymru i ddenu a hyfforddi mwy o nyrsys, ymarferwyr cyffredinol a gweithwyr iechyd proffesiynol eraill i Gymru.

Bydd yr ymgyrch recriwtio yn targedu nyrsys sydd newydd gymhwyso a nyrsys cofrestredig profiadol, yn ogystal â’r rhai sydd o bosibl yn ystyried dychwelyd i’r proffesiwn.

Daw’r lansiad yn sgil ymgyrch ddiweddar gan Lywodraeth Cymru i recriwtio meddygon teulu,  a honno wedi arwain at gynnydd o 16% yn nifer y lleoedd hyfforddi oedd wei’u llenwi.

“Cymryd camau cadarnhaol”

“Mae Cymru’n wlad ddelfrydol i hyfforddi, gweithio a byw ynddi,” meddai Ysgrifennydd Iechyd Llywodraeth Cymru, Vaughan Gething wrth lansio’r ymgyrch.

“Rydyn ni’n rhoi gwerth mawr ar farn broffesiynol nyrsys ac rydyn ni am gyfleu’r neges honno er mwyn denu mwy o nyrsys i ddod i gael blas ar yr hyn sydd gennym i’w gynnig.”

“Rydyn ni’n cymryd camau cadarnhaol i ddenu rhagor o weithwyr proffesiynol ledled y wlad ac mae buddsoddi mewn addysg a hyfforddiant yn allweddol i ddatblygu ein gweithlu.”

“Costus”

Mae’r Ceidwadwyr wedi croesawu’r cyhoeddiad ond am weld “dibyniaeth” byrddau iechyd Cymru ar “staff asiantaeth hynod o gostus” yn dod i ben.

“Rydym yn croesawu ymgyrch recriwtio’r Ysgrifennydd Iechyd ac yn gobeithio yn y dyfodol na fydd rhaid i fyrddau iechyd ddibynnu ar staff asiantaeth hynod o gostus, sydd wedi cynyddu 50% yn ystod y flwyddyn ddiwethaf,” meddai llefarydd iechyd  y Ceidwadwyr yng Nghymru, Angela Burns.

“Dylai’r Llywodraeth Lafur fod yn wyliadwrus o’r ffaith nad recriwtio yw’r unig ateb i broblemau staffio’r Gwasanaeth Iechyd, a dylai mwy o gymorth cael ei ddarparu i nyrsys â salwch tymor hir.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.