RSS

Golwg360

MwyCau 

‘Angen ymchwil pellach i wella triniaeth Parkinson’

Ebrill 10, 2017 11:38


Mae angen ymchwil pellach er mwyn datblygu cyffuriau gwell i drin clefyd Parkinson, yn ôl elusen.

Dywed Parkinson’s UK bod angen gweithredu ar frys gan nad oes unrhyw feddyginiaeth ar hyn o bryd sydd yn gallu arafu neu atal lledaeniad y cyflwr.

Nid yw’r cyffur ‘levodopa’, sef y prif gyffur a gaiff ei ddefnyddio i drin y cyflwr, wedi newid ers dros 50 mlynedd  ac mae’r elusen wedi lansio apêl brys ‘Wnawn Ni Ddim Aros’ er mwyn codi’r arian sydd ei angen er mwyn gwella ymchwil yn y maes.

Mae clefyd Parkinson yn effeithio tua 8,000 o bobol yng Nghymru gyda symptomau yn cynnwys cryndod, poen, problemau cysgu a phroblemau iechyd meddwl.

Yn ôl ymchwil yr elusen mae ymwybyddiaeth y cyhoedd o’r cyflwr yn isel gyda mwy na 45% o bobl yn ansicr neu’n credu ar gam ei bod yn bosibl i atal y clefyd.

 “Dal i aros am driniaeth”

“Mae pobl sydd â chlefyd Parkinson yn dal i aros am driniaeth a all daclo’r clefyd yn uniongyrchol. Gall pobl gyda Parkinson gael trafferth i gerdded, siarad a chysgu. Dyna pam yr ydym yn dweud na wnawn ni aros yn hirach,” meddai Cyfarwyddwr Parkinson’s UK yng Nghymru, Barbara Locke.

“Ond ni allwn wneud hyn ar ein pennau ein hunain. Dyma’n hymgyrch cyhoeddus cyntaf erioed i godi arian, ac rydym yn gofyn ar frys i bobl yng Nghymru i roi beth bynnag a allant i gefnogi ein gwaith hanfodol. “

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.