Adeiladu bloc o fflatiau drws nesa’ i Glwb Ifor Bach

 


Mae ymgyrch ar droed i geisio achub un o strydoedd hynaf a mwyaf eiconig Caerdydd yn dilyn bwriad i adeiladu bloc o fflatiau arno.

Yn ôl gwefan Wales Online, mae datblygwr eiddo lleol, Afzal Khan, wedi cyflwyno cais i adeiladu chwe fflat y drws nesaf i Glwb Ifor Bach ar Stryd y Fuwch Goch (Stryd Womanby).

Ers degawdau mae Clwb Ifor Bach yn cynnal nosweithiau cerddoriaeth fyw Cymraeg yn y brifddinas.

Er bod cais Afzal Khan yn cynnwys cynigion i sicrhau na fydd sŵn yn cael ei glywed yn y fflatiau, mae pobol yn poeni y gallai’r datblygiad roi taw ar sin gerddoriaeth fyw Caerdydd, fel sydd wedi digwydd mewn dinasoedd eraill.

Mwy o gynlluniau

Mae’r newyddion yn dilyn cynlluniau cwmni Wetherspoons i adeiladu gwesty ar ben ei dafarn ar yr un stryd ac ar ôl i far Dempsey’s, ger Clwb Ifor Bach, gau, er mwyn gwneud lle i far chwaraeon newydd yn enw Gareth Bale.

Mae dros 6,000 o bobol wedi hoffi tudalen Facebook ‘Achub Stryd Womanby’ ac mae’n debyg bod dros 100 o bobol wedi codi pryderon gyda Chyngor Caerdydd yn erbyn y fflatiau.

Bydd yr ymgyrchwyr yn lobïo cynghorwyr y brifddinas ac Aelodau’r Cynulliad er mwyn sicrhau parhad i’r sîn cerddoriaeth ar y stryd.

Mae golwg360 wedi ceisio cysylltu â Chlwb Ifor Bach.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?