Mapio ardaloedd wrth alw am ysgolion Cymraeg newydd

 


Llun: Cyngor Powys
Mae’r mudiad Rhieni dros Addysg Gymraeg (RhAG) yn cwrdd â Gweinidog y Gymraeg, Alun Davies, heddiw i bwyso am greu ysgolion Cymraeg newydd fel rhan o’r broses cynllunio.

Mae’r mudiad wedi paratoi cyfres o fapiau yn dangos ble mae angen blaenoriaethu creu ysgolion cynradd, uwchradd ac unedau Cymraeg erbyn 2020.

Mae’r rhain yn cynnwys ardaloedd o Abertawe, Blaenau Gwent, Bro Morgannwg, Caerdydd, Caerffili, Casnewydd, Castell-nedd Port Talbot, Pen-y-bont, Powys, Rhondda Cynon Taf, Sir Gar, Sir Fynwy, Torfaen a Wrecsam.

‘Cyd-gynllunio’

“Mae nod uchelgeisiol y Llywodraeth o gyrraedd miliwn o siaradwyr Cymraeg erbyn 2050 yn gwbl ddibynnol ar gynyddu niferoedd sy’n derbyn eu haddysg drwy gyfrwng y Gymraeg,” meddai Lynne Davies, Cadeirydd RhAG.

“Prin yw addewidion y siroedd yn eu Cynlluniau Strategol y Gymraeg mewn Addysg ar gyfer 2017-20 am ysgolion newydd yn y tair blynedd nesaf.

“Dylai cylch nesaf y Cynlluniau ymrwymo i sefydlu ysgolion newydd yn y mannau hyn,” ychwanegodd.

Dywedodd hefyd na ddylai rhieni orfod ymgyrchu am addysg Gymraeg – “mae angen i ni fod yn cyd-gynllunio’n strategol gyda Llywodraeth Leol yn perchnogi eu cyfrifoldeb gweithredol a Llywodraeth Ganol yn glir o ran eu disgwyliadau a’r gefnogaeth ymarferol y gallant ei gynnig.”

Powys

Mae addysg Gymraeg ym Mhowys wedi bod yn destun trafod yn ddiweddar, gyda’r gantores Sian James yn mynegi pryder nad oes yr un ysgol benodedig Gymraeg ar gael yng ngogledd y sir.

Fe wnaeth Cyngor Powys bleidleisio yn ddiweddar dros gau ffrwd Gymraeg Ysgol Uwchradd Aberhonddu yn ne y sir lle byddant yn canoli’r addysg Gymraeg yn Llanfair ym Muallt.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd