Yr Awr Ddaear: perfformiad arbennig gan gerddorion Cymraeg

Diweddarwyd am  


The Gentle Good (Llun: Guto Brychan)
Wrth i fwy na hanner miliwn o bobol gymryd rhan yn yr Awr Ddaear neithiwr, roedd perfformiad arbennig ar Facebook Live gan The Gentle Good a Catrin Herbert.

Roedd y digwyddiad, sy’n cael ei drefnu’n flynyddol gan WWF Cymru, yn dathlu ei ben-blwydd yn ddeg oed eleni.

Yn gefnlen i’r perfformiad y tu allan i’r Senedd ym Mae Caerdydd roedd cerflun ‘Message in a Bottle’ gan yr artist Lulu Quinn, yn galw am ragor o sylw i newid hinsawdd ar draws y byd.

Ymhlith yr adeiladau oedd wedi diffodd eu goleuadau rhwng 8.30 a 9.30 neithiwr roedd castell Caernarfon, y Llyfrgell Genedlaethol yn Aberystwyth, Amgueddfa’r Glannau yn Abertawe a Stadiwm Principality yng Nghaerdydd.

Neges Gareth Bonello

Yn dilyn y perfformiad gan The Gentle Good, dywedodd Gareth Bonello ei bod yn “wych” cael perfformio yn y digwyddiad.

“Dw i’n gefnogwr brwd o WWF Cymru a’r Awr Ddaear.

“Fy #WWFMessageinaBottle yw symud i ffwrdd o’n dibyniaeth ar danwyddau ffosil a buddsoddi mewn ffynonellau ynni gwyrdd.

“Gobeithio y bydd ein harweinwyr gwleidyddol yn arwain y ffordd a gwneud i hyn ddigwydd er lles pawb sy’n byw ar y Ddaear.”

Ymateb y cyhoedd

Dywedodd pennaeth WWF Cymru, Anne Meike ei bod hi wrth ei bodd gydag ymateb y cyhoedd i’r digwyddiad.

“Dyma’r mwyaf eto, ac ry’n ni wrth ein bodd fod pob un o’r 22 awdurdod lleol wedi cofrestru am yr ail flwyddyn yn olynol, ynghyd â busnesau a thros 300 o ysgolion.

“Mae ein Neges mewn Potel hefyd wedi cydio yn nychymyg gwleidyddion Cymru gyda hanner Aelodau’r Senedd yn datgan eu cefnogaeth i’n hymgyrch yn gynharach yr wythnos hon.

“Mae’n amlwg fod mynd i’r afael â newid hinsawdd yn dod yn flaenoriaeth i’r cyhoedd a gwleidyddion – ac mae hynny i’w ddathlu.”

2016 oedd y flwyddyn fwyaf cynnes erioed, yn ôl ystadegau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019