RSS

Golwg360

MwyCau 

Lansio ymgynghoriad ar ffioedd comisiwn cartrefi mewn parciau

Mawrth 21, 2017 09:34


(Llun: Terry Roberts CCA 2.0)
Mae Llywodraeth Cymru wedi lansio ymgynghoriad ar leihau neu ddiddymu ffioedd comisiwn ar werthu cartrefi mewn parciau.

Ymhlith yr opsiynau fydd yn cael eu hystyried bydd gostwng, diddymu neu barhau â’r gyfradd comisiwn presennol ar werthu cartrefi mewn parciau.

Daw’r ymgynghoriad yn sgil adolygiad a gafodd ei gomisiynu gan Lywodraeth Cymru lle cafodd sawl argymhelliad ei gynnig.

Er hyn, dim ond chwarter o berchenogion cartrefi symudol mewn parciau gyfrannodd gwybodaeth ariannol fanwl at yr adolygiad, meddai Llywodraeth Cymru.

O dan y system bresennol, mae’n rhaid i berson sy’n prynu cartref symudol dalu hyd at 10% o gomisiwn i berchennog y safle, ac mae perchnogion cartrefi symudol wedi bod yn galw ar Lywodraeth Cymru i sgrapio’r rheolau.

“Sylwadau cryf”

“Rwyf wedi dod i’r casgliad y dylem archwilio ymhellach lefel y comisiwn y mae perchnogion safleoedd yn ei godi ond, o ystyried y sylwadau cryf iawn rwyf wedi’u cael ar y mater, rwyf o’r farn ar hyn o bryd y gallai fod yna sail i ostwng lefel y comisiwn neu hyd yn oed ei ddiddymu,” meddai’r Ysgrifennydd Cymunedau, Carl Sargeant, wrth gyhoeddi’r ymgynghoriad.

“Byddaf wrth reswm am roi ystyriaeth lawn i’r ymatebion i’r ymgynghoriad cyn penderfynu’n derfynol ar y mater.

“Ymhlith yr opsiynau y byddaf yn eu hystyried fydd gostwng neu hyd yn oed ddiddymu gyfradd y comisiwn, yn ogystal wrth gwrs â chadw pethau fel maen nhw.”

Mae perchnogion cartrefi mewn parciau wedi eu gwahodd i roi tystiolaeth ac mi fydd yr ymgynghoriad ffurfiol yn cael ei chyhoeddi “cyn gynted ag y medrir.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.