RSS

Golwg360

MwyCau 

Dyn o Gaerdydd yn pledio’n euog i droseddau brawychol

Mawrth 20, 2017 11:56 Diweddarwyd Mawrth 21, 2017 09:34


Samata Ullah o Gaerdydd Llun: Heddlu Metropolitan/PA
Mae gŵr o Gaerdydd wedi cyfaddef cymryd rhan mewn gweithredoedd y grŵp eithafol y Wladwriaeth Islamaidd (IS) gan guddio deunydd brawychol mewn cyfflinc ar ei lawes.

Yn Llys yr Old Bailey fe wnaeth Samata Ullah, 34 oed, bledio’n euog i bum trosedd brawychol ynghyd â meddu ar ddeunydd at ddibenion brawychol cyn 22 Medi 2016.

Cyfaddefodd iddo fod yn aelod o IS ym mis Medi’r llynedd, o fod yn rhan o hyfforddiant brawychol ac o baratoi gweithredoedd brawychol.

Pan gafodd ei arestio ym mis Medi roedd yn gwisgo cyfflinc gyda chofbin (USB) arno oedd yn cynnwys system i guddio casgliad o ddata eithafol.

Cyhuddiadau

Clywodd y llys ei fod wedi creu fideos yn dangos sut i ddiogelu data a pharhau’n anhysbys ar y we o fis Rhagfyr 2015 ymlaen.

Fe blediodd yn euog hefyd o feddu ar lyfrau a deunydd electronig am hanfodion taflegrau, ac mae wedi cael diagnosis o awtistiaeth yn y cyfamser.

Fe wadodd y cyhuddiad o gyfarwyddo brawychiaeth rhwng Rhagfyr 2015 a Medi 2016 yn groes i adran 56 o Ddeddf Brawychiaeth 2000.

Mae ei ddedfryd wedi’i ohirio tan Ebrill 28 yn Llys yr Old Bailey.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.