Felix Aubel: Undeb yr Annibynwyr Cymraeg “wedi’u siomi’n arw”

Diweddarwyd  


Sylwadau oddi ar dudalen Twitter Felix Aubel
Mae arweinwyr Undeb yr Annibynwyr Cymraeg wedi dweud iddyn nhw gael eu “siomi’n arw” â sylwadau’r Parchedig Ddoctor Felix Aubel.

Dywedodd e ar Twitter y dylid ail-gyflwyno erledigaeth grefyddol.

Roedd yn ymateb i neges Twitter blogiwr asgell dde eithafol o Sweden pan wnaeth y sylwadau am efelychu’r hyn yr oedd Cristnogion Sbaen yn ei wneud ar ddiwedd yr Oesoedd Canol, sef Chwil-lys Sbaen (y ‘Spanish Inquistion’).

Fel rhan o hyn, roedden nhw’n erlid ac yn arteithio Mwslemiaid ac Iddewon a’u llosgi’n fyw ar y strydoedd.

Datganiad

Mewn datganiad, dywedodd arweinwyr Undeb yr Annibynwyr fod y fath sylwadau’n “wrthun gennym”.

Mae’r datganiad wedi’i lofnodi gan Lywydd yr Undeb, D Glyn Williams, yr is-lywydd y Parchedig Jill-Hailey Harries a’r ysgrifennydd cyffredinol, y Parchedig Ddoctor Geraint Tudur.

“Rydym yn parchu hawl gweinidog – fel pawb arall – i fynegi barn, ond mae’r sylwad a wnaed gan Dr Felix Aubel yn hollol annerbyniol.

“Er nad oes gan yr Undeb unrhyw awdurdod dros weinidog nag eglwys Annibynnol, mae’n amlwg yn ôl yr ymateb o sawl cyfeiriad dros y tridiau diwethaf yma ein bod ni, fel Annibynwyr a Christnogion yn gyffredinol, yn cael ein pardduo ar gam o ganlyniad i sylwad un unigolyn.

“Felly, rydym am ddatgan yn hollol glir a diamwys bod goddefgarwch crefyddol yn egwyddor ganolog i’n traddodiad ni fel Annibynwyr.

“Mae erledigaeth grefyddol, ac unrhyw awgrym o gefnogaeth i hynny, yn wrthun gennym.

“Rydym hefyd wedi datgan o’r blaen fel Undeb ein bod am groesawu’r sawl sy’n ffoi rhag rhyfel, trais ac erledigaeth gyda breichiau agored. Gobeithio bod hyn yn gwneud ein safiad yn hollol eglur.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd