RSS

Golwg360

MwyCau 

Uwchgynhadledd cyfansoddiadol Llafur yn “ffars Shakespeareaidd”

Mawrth 18, 2017 11:56


Prif Weinidog Cymru, Carwyn Jones wedi cael ei feirniadu (Llun: Senedd TV)
“Ffars ar raddfa Shakespeareaidd” yw’r uwchgynhadledd cyfansoddiadol a gafodd ei gyhoeddi gan Brif Weinidog Cymru, Carwyn Jones, yn ôl arweinydd y Ceidwadwyr Cymreig, Andrew RT Davies.

Daw’r uwchgynhadledd ar ôl i Carwyn Jones rybuddio am “ryfel masnachol” rhwng pedair gwlad Prydain oni bai bod rheolau newydd yn cael eu cyflwyno ar ôl i Brydain adael yr Undeb Ewropeaidd.

Mae Carwyn Jones yn awyddus i sicrhau bod gwledydd Prydain yn aros gyda’i gilydd ar ôl Brexit.

Ond yn ôl Andrew RT Davies, mae gan y Blaid Lafur “Brif Weinidog sydd wedi methu, Prif Weinidog Cymru sydd yn methu a chriw o bobol ddi-ddim”.

Dywedodd fod y ffaith fod y Blaid Lafur yn “dod ynghyd i fynd i’r afael â materion cyfansoddiadol cymhleth iawn pan na allan nhw ddatrys materion sy’n parhau o fewn eu plaid eu hunain yn ffars ar raddfa Shakespeareaidd”.

Mae e wedi cyhuddo Carwyn Jones a chyn-Brif Weinidog Prydain, Gordon Brown o “dynnu sylw oddi ar eu methiannau eu hunain” gydag “atebion ffug i broblemau ffug”.

Rhyfel masnach

Wrth gyfeirio at bryderon Carwyn Jones am ryfel masnach posib, dywedodd Andrew RT Davies fod y pryderon hynny’n “peri penbleth”.

“Dydy masnach, diwydiant a thrafod rhyngwladol ddim yn faterion sydd wedi cael eu datganoli, ac mae modd eu datrys drwy fframweithiau’r DU – does bosib nad yw e’n ymwybodol o hynny?”

Ychwanegodd y dylai Carwyn Jones a’r Llywodraeth Lafur ganolbwyntio ar “roi hwb i’r economi, codi safonau ysgolion ac achub ein Gwasanaeth Iechyd”.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.