RSS

Golwg360

MwyCau 

Andrew RT: “Plaid Cymru yn drychinebus i Gymru”

Mawrth 17, 2017 11:39 Diweddarwyd Mawrth 18, 2017 18:57


Andrew RT Davies
Mae Arweinydd y Ceidwadwyr yng Nghymru yn dweud bod Plaid Cymru yn “drychinebus i Gymru”.

Yn ei araith yng nghynhadledd y Ceidwadwyr yng Nghaerdydd y bore yma, roedd Andrew RT Davies yn pwysleisio ‘cryfder y Deyrnas Unedig’.

Ac mewn cyfweliad gyda golwg360 dywedodd Andrew RT Davies bod arweinydd Plaid Cymru, Leanne Wood yn “bodoli i rannu’r Deyrnas Unedig”.

“Bydd unrhyw un sy’n pleidleisio dros Blaid Cymru yn yr etholiadau lleol yn pleidleisio am annibyniaeth i Gymru – ond yn economaidd, yn ddiwylliannol ac yn gymdeithasol, rydym yn gwybod y byddai hynny’n drychinebus i Gymru,” meddai.

“Ddim am fy mod i’n credu nad yw Cymru’n gallu gwneud ei phenderfyniadau ei hun, rydyn ni’n gwneud hynny’n ddyddiol fan hyn ar [faterion] datganoledig ond dw i’n meddwl fel rhan o’r Deyrnas Unedig, rydym ni i gyd yn gryfach gyda’n gilydd yn yr undeb fwya’ lwyddiannus y mae’r byd wedi’i weld.”

“Hyder”

Roedd gan Andrew RT Davies neges bendant i Nicola Sturgeon, Prif Weinidog yr Alban, sy’n galw am ail refferendwm ar annibyniaeth – “Mae’r Undeb yma i aros.”

Dyna yw prif neges cynhadledd y blaid, gyda disgwyl i’r Prif Weinidog, Theresa May, fydd yn siarad cyn cinio, ategu’r neges.

Ychwanegodd Andrew RT Davies y bydd y gynhadledd yn un “ffres, ddeinamig, fydd yn edrych ar y dyfodol gydag optimistiaeth a hyder”.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.