Pleidleisio dros ddyfodol addysg Gymraeg Aberhonddu

 


Llun: Cyngor Sir Powys
Mae cynghorwyr Cyngor Sir Powys yn cyfarfod heddiw i bleidleisio dros ddyfodol y ffrwd addysg Gymraeg yn Ysgol Uwchradd Aberhonddu.

Daw hyn yn dilyn ymgynghoriad gafodd ei gynnal rhwng Tachwedd 2016 ac Ionawr 2017 yn argymell cau’r ffrwd Gymraeg yn yr ysgol o fis Medi 2017 ymlaen.

Byddai hynny’n creu ysgol uwchradd cyfrwng Saesneg yn unig yn Aberhonddu, gyda’r disgwyl i ddisgyblion deithio i Lanfair ym Muallt, tua 16 milltir i ffwrdd, os am addysg Gymraeg.

‘Llai yn astudio trwy’r Gymraeg’

Yn ôl y cyngor, mae’r niferoedd sy’n astudio trwy’r Gymraeg yn yr ysgol wedi gostwng dros y blynyddoedd.

Ond mae ymgyrchwyr yn poeni y bydd hyn yn arwain at lai o bobol leol yn dewis astudio trwy’r Gymraeg oherwydd y pellter i Lanfair ym Muallt.

Ar hyn o bryd, Powys yw un o’r ychydig siroedd yng Nghymru sydd heb ysgol uwchradd benodedig cyfrwng Cymraeg.

Yr wythnos diwethaf [Mawrth 7], fe wnaeth cyfarfod llawn o Gyngor Powys bleidleisio yn erbyn yr ymgynghoriad, ac mae disgwyl i’r Cabinet ddod i benderfyniad cyn diwedd y dydd heddiw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd