Colli’r gwasanaeth awyr rhwng y de a’r gogledd

Diweddarwyd  


Mae’r gwasanaeth awyr rhwng y de a’r gogledd wedi dod i ben ar ôl i’r cwmni fynd yn fethdalwyr.

Caiff y sawl a oedd eisoes wedi prynu tocynnau eu cynghori i’w defnyddio ar gyfer teithio ar y trên, gan y byddan nhw’n ddilys ar deithiau rhwng Bangor a gorsafoedd ym Môn a Chaerdydd.

Mae’r cwmni a oedd yn gyfrifol am y gwasanaeth rhwng meysydd awyr Y Fali a Chaerdydd, Citiwing Aviation Services Limited, yn nwylo’r derbynwyr. Mae’r cwmni wedi bod mewn trafferthion dros y pythefnos ddiwethaf, ar ôl i’r cwmni a oedd yn hedfan yr awyrennau ar eu rhan, Van Air, golli eu trwydded i hedfan yn y Deyrnas Unedig.

Roedd hyn ar ôl i Van Air nhw geisio hedfan o Ynys Manaw i Belfast ddydd Iau 23 Chwefror yng nghanol storm Doris pryd roedd cwmnïau awyrennau eraill wedi canslo teithiau.

Yn y cyfamser, roedd Citywing wedi ceisio parhau â’u gwasanaethau trwy ddefnyddio contractwyr eraill, ond arweiniodd hynny at golledion mawr.

Wrth ddiolch i’w cwsmeriaid am eu cefnogaeth dros y pedair blynedd ddiwethaf, ac ymddiheuro am y trafferthion, dywed y cwmni y bydd gwybodaeth ar sut i gael ad-daliadau ar docynnau i’w gael ar wefan yr Awdurdod Hedfan Sifil www.caa.co.uk/home o ddydd Llun ymlaen.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd