Galw ar Lywodraeth Cymru i drafod ei gweledigaeth ar gyfer y gogledd

Diweddarwyd  


Mark Isherwood AC
Mae’r Aelod Cynulliad Ceidwadol, Mark Isherwood wedi galw am drafod gweledigaeth Llywodraeth Cymru ar gyfer y gogledd.

Yr wythnos diwethaf, fe ddisgrifiodd y weledigaeth fel “ychydig iawn mwy na llen fwg”, ac fe gyhuddodd y Llywodraeth o anwybyddu’r alwad am ddatganoli pwerau economaidd i’r gogledd.

Yn ei ddatganiad wythnosol, dywedodd Mark Isherwood fod y mater yn “hanfodol” i’r gogledd, a bod angen trafod y mater yn y Cynulliad.

Ond fe ddywedodd fod angen “datganiad o leiaf”.

“Rydyn ni wedi bod yn aros am fisoedd lawer i Lywodraeth Cymru amlinellu ei hymateb i’r cynigion sydd wedi cael eu gwneud.

“Yn hytrach, fe gawson ni ddatganiad ysgrifenedig ddydd Iau diwethaf yn llawn ystrydebau, megis ‘bydd moderneiddio cludiant yng ngogledd Cymru a Metro Gogledd-ddwyrain Cymru yn cyfrannu at gyflawni ein hamcanion lles’ ac ‘mae cysylltiadau cryf rhwng economi gogledd-ddwyrain Cymru a gogledd-orllewin Lloegr’.

“Doedd dim angen datganiad i ddweud hynny wrthym…”

Cydweithio

Ychwanegodd Mark Isherwood fod dyfodol economaidd y gogledd yn dibynnu ar gydweithio rhwng llywodraethau San Steffan a Chaerdydd ac “ymateb yn adeiladol i’r cynigion”.

“Byddai’n frad ar ein rhanbarth ni pe bai methiant Llywodraeth Cymru i ddarparu ymateb amserol ac adeiladol yn atal Llywodraeth y Deyrnas Unedig rhag rhoi’r gefnogaeth sy’n cael ei chynnig,” meddai wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd