Chwedlau’r Cymry mewn Cwrdeg

 


Prifysgol Aberystwyth
Mae bardd a chyfieithydd Cwrdaidd wedi teithio i Gymru er mwyn cyfieithu rhai o chwedlau’r Mabinogi i iaith Cwrdeg.

Yn ystod ei wythnos ym Mhrifysgol Aberystwyth bydd Salih Agir Qoserî yn gweithio gyda’r cyfieithydd barddoniaeth a llenyddiaeth Dwrcaidd, Caroline Stockford, gyda’r nod o gyfieithu’r chwedlau Cymreig i Kurmandji.

Bydd hefyd yn ymweld ag Ysgol Gyfun Penweddig yn Aberystwyth, ysgol Bishop Vaughan yn Nhreforys ac yn mynychu Ffair Lyfrau Llundain.

Mae Salih Agir Qoserî bellach yn byw yn ninas Mardin yn Nhwrci, ac wedi cyfieithu nifer o lyfrau Swedeg, Saesneg a Thwrceg i’r Gwrdeg, gan gynnwys ‘1984‘.

Ieithoedd lleiafrifol

Mae’r fenter wedi’i ariannu gan Gyngor Celfyddydau Cymru a Rhaglen Ewrop Greadigol yr Undeb Ewropeaidd a chafodd y cyfnod preswyl ei drefnu gan PEN Cymru a Llenyddiaeth Ar Draws Ffiniau.

“Un o’n prif amcanion yw gwneud ysgrifennu iaith leiafrifol yn fwy gweladwy felly rydyn ni’n falch iawn o fod wedi gallu trefnu’r ymweliad hwn â Chymru a’r cyfle i ddathlu cyfoeth llenyddol y Cwrdiaid yn Nhwrci,” meddai Cyfarwyddwr Llenyddiaeth Ar Draws Ffiniau, Alexandra Büchler.

“Bydd ei ymweliadau ag ysgolion a’r digwyddiadau cyhoeddus yn tynnu sylw at sefyllfa’r iaith a’r diwylliant Cwrdaidd ac rydym yn falch o allu hwyluso cyfieithu’r Mabinogi i’r Cwrdeg a chwedlau Cwrdaidd i’r Gymraeg,” dywedodd Cyfarwyddwr PEN Cymru, Sally Baker.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?