RSS

Golwg360

MwyCau 

Llenyddiaeth Cymru yn adolygu cystadleuaeth Llyfr y Flwyddyn

Mawrth 2, 2017 08:40 Diweddarwyd Mawrth 3, 2017 09:14


Mae Llenyddiaeth Cymru yn gofyn barn pobol am gystadleuaeth Llyfr y Flwyddyn… ond mae’n “annhebygol” y bydd y gystadleuaeth flynyddol yn cael ei chynnal eleni.

Ar gyfrif Twitter yr asiantaeth, mae’n dweud bod adolygiad yn digwydd yn dilyn “ansicrwydd am ddyfodol” y gystadleuaeth, ac mae modd i ddarllenwyr roi eu barn .

Ym mis Ionawr, fe gafodd Llenyddiaeth Cymru gyfarfod i drafod dyfodol y wobr, gan benderfynu cynnal adolygiad, a chyhoeddwyd eu bod yn chwilio am “bartneriaid ariannu newydd” i gynnal y digwyddiad.

Mae cystadleuaeth Llyfr y Flwyddyn yn cael ei gweld gan lawer o lenorion a darllenwyr fel uchafbwynt y flwyddyn lenyddol yng Nghymru.

Mae disgwyl i’r adolygiad, a fydd yn edrych ar elfennau trefnu a chyflwyno’r gwobrau, ddod i gasgliadau erbyn diwedd mis Ebrill.

Cystadleuaeth eleni yn “annhebygol”

Gyda seremoni wobrwyo Llyfr y Flwyddyn fel arfer yn cael ei chynnal ym mis Gorffennaf, a’r gwaith o benodi beirniaid fel arfer eisoes wedi digwydd erbyn yr adeg hon, mae’n “annhebygol” y bydd y gystadleuaeth yn cael ei chynnal yn 2017.

Er hynny, does dim cadarnhad swyddogol wedi dod gan Lenyddiaeth Cymru’r naill ffordd na’r llall

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.