UKIP – Cymru yw’r esiampl, meddai Hamilton

Diweddarwyd am  


Neil Hamilton (Teledu'r Cynulliad)
Fe ddylai UKIP trwy wledydd Prydain ddilyn esiampl y blaid yng Nghymru, yn ôl ei harweinydd yn y Cynulliad.

Ar ôl methu â chipio sedd obeithiol yng nghanol Stoke on Trent, fe ddywedodd Neil Hamilton fod angen i’r blaid wrth-Ewrop ddangos beth oedd ei phwrpas bellach.

Roedd yn honni bod hynny’n digwydd yng Nghymru lle mae gan UKIP saith sedd, ond nad oedden nhw’n llwyddo i drosglwyddo eu neges yn y gwledydd eraill.

Egluro yng Nghymru

“R’yn ni’n dal yn fyw,” meddai Neil Hamilton ar Radio Wales. “Nid mater yw e a oes gan UKIP bwrpas ond egluro hynny yn San Steffan, fel yr yden ni wedi bod yn gwneud yng Nghymru.”

Er fod yr etholaeth yn Stoke wedi pleidleisio’n gry’ iawn o blaid gadael yr Undeb Ewropeaidd, doedd hynny ddim yn ffactor yn yr isetholiad, meddai.

Ac fe wadodd fod arweinydd UKIP, Paul Nuttall, wedi cael ei ddifrodi wrth fethu ag ennill y sedd ac ar ôl cael cyhoeddusrwydd mawr am gelwydd ar ei wefan.

Doedd arweinwyr gwleidyddol ddim yn tjecio pob manylyn ar eu gwefannau, meddai – er fod y cofnod wedi ei gyhoeddi ymhell cyn i Paul Nuttall ddod yn wleidydd amlwg.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd