Penodi Cadeirydd cyntaf Awdurdod Cyllid Cymru

 


Kathryn Bishop, (Llun: Llywodraeth Cymru)
Mae Pwyllgor y Cynulliad Cenedlaethol wedi cymeradwyo Kathryn Bishop fel cadeirydd cyntaf Awdurdod Cyllid Cymru.

Cafodd Kathryn Bishop, sydd wedi arbenigo ym meysydd Technoleg Gwybodaeth ac Adnoddau Dynol, ei hargymell gan Lywodraeth Cymru’r wythnos diwethaf.

Yn dilyn gwrandawiad heddiw, fe wnaeth pob un heblaw am un aelod o Bwyllgor y Cynulliad bleidleisio amdani.

‘Penodiad addas’

“Er nad oedd un aelod yn fodlon cymeradwyo’r penodiad, roedd aelodau eraill y Pwyllgor yn teimlo bod Ms Bishop yn benodiad addas ar gyfer y swydd bwysig hon,” meddai Simon Thomas AC, Cadeirydd y Pwyllgor.

Mae Kathryn Bishop hefyd yn Gymrawd Cyswllt o Ysgol Fusnes Saïd (Prifysgol Rhydychen), yn gyfarwyddwr busnes ymgynghori, a Chyfarwyddwr Anweithredol mewn nifer o sefydliadau’r llywodraeth.

Gwrandawiad

Dyma oedd y tro cyntaf i wrandawiad gael ei gynnal cyn penodiad Gweinidogol yng Nghynulliad Cenedlaethol Cymru.

“Mae’r gwrandawiadau hyn yn digwydd yn gyson yn San Steffan, a byddwn yn gobeithio y bydd hyn yn arwain y ffordd i Bwyllgorau’r Cynulliad gynnal rhagor o wrandawiadau maes o law,” ychwanegodd Simon Thomas.

Awdurdod Cyllid Cymru

 

Bydd Awdurdod Cyllid Cymru yn dechrau ar ei waith ym mis Ebrill 2018, pan fydd treth dir y dreth stamp a’r dreth tirlenwi yn cael eu datganoli i Gymru, ac mae’n dilyn pasio Deddf Rheoli a Chasglu Trethi (Cymru) ym mis Ebrill 2016.

Bydd y corff yn adran anweinidogol o Lywodraeth Cymru, sy’n atebol i Weinidogion Cymru, Cynulliad Cenedlaethol Cymru a threthdalwyr yng Nghymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019