RSS

Golwg360

MwyCau 

Creu Ysgol Opera i Gymru

Chwefror 16, 2017 12:52 Diweddarwyd Chwefror 20, 2017 09:47


Llun cyhoeddusrwydd o un o gynyrchiadau diweddara' Opera Cenedlaethol Cymru. Madame Butterfly (o wefan WNO)
Mae Coleg Brenhinol Cerdd a Drama Cymru ac Opera Cenedlaethol Cymru wedi cyhoeddi eu bod yn creu partneriaeth i greu Ysgol Opera i Gymru.

Maen nhw’n dweud y bydd yr Ysgol yn cynnig hyfforddiant i gantorion, offerynwyr, arweinyddion, cyfarwyddwyr a rheolwyr llwyfan sydd am weithio ym maes opera.

Fe fydd hefyd yn bwriadu cynnig rhaglen gradd Meistr newydd ar gyfer cyfarwyddwyr opera dan hyfforddiant.

Meithrin Talent

Mae’r ddau sefydliad yn dweud y bydd y bartneriaeth yn gweithio er lles y naill a’r llall.

“Fel cwmni opera o’r radd flaenaf, mae arnon ni angen cael y cyfle gorau posib i gael gafael ar dalent sy’n dod i’r amlwg, a does dim ffordd well i gael hynny na thrwy weithio’n uniongyrchol gyda’r rhai sy’n eu meithrin” medd Cyfarwyddwr Artistig Opera Cenedlaethol Cymru, David Pountney.

“R’yn ni hefyd yn hynod ymwybodol bod y manteision yn llifo’r ddwy ffordd; bod gan ymglymiad agos â chwmni opera cenedlaethol y potensial i ychwanegu dyfnder a pherthnasedd sylweddol i’r hyfforddiant.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.