Cymeradwyo cynllun i ddatgymalu rhan o Bier Bae Colwyn

 


Pier Bae Colwyn
Mae cabinet Cyngor Conwy wedi cymeradwyo argymhelliad i ddatgymalu rhan o bier ym mae Colwyn.

Cafodd adroddiad brys ei chyflwyno i’r cabinet prynhawn yma yn awgrymu y dylai rhan o Bier Fictoria gael ei datgymalu yn fuan er  diogelwch y cyhoedd.

Y pryder yw bod rhan ddiffygiol y strwythur yn peryglu gweddill y pier rhestredig Gradd II a heb weithredu yn syth gall strwythur y pier gael ei ddifrodi.

“Gan ystyried yr angen i gydbwyso cyfrifoldebau’r Awdurdod tuag at statws Rhestredig y Pier a diogelwch y cyhoedd, cytunodd y Cabinet y dylai’r gwaith argyfwng gael ei wneud er mwyn atal unrhyw ddirywiad pellach o’r strwythur rhestredig,” dywedodd Arweinydd Cyngor Bwrdeistref Sirol Conwy, Dilwyn Roberts.

Mae disgwyl i’r gwaith o ddymchwel pen yr adeiledd gymryd tua thair wythnos a bydd darnau o’r pier Fictorianaidd sydd o werth treftadaeth yn cael eu cadw a’u storio.

Bydd trefniadau diogelwch yn aros yn eu lle ac mae’r cyngor yn galw ar aelodau’r cyhoedd i gadw draw oddi wrth y strwythur.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd