RSS

Golwg360

MwyCau 

BBC’n ildio tros honiadau o ‘hiliaeth’ yn erbyn Lloegr

Chwefror 10, 2017 07:41 Diweddarwyd Chwefror 11, 2017 09:46


Yn Nghaerdydd y bydd yr ornest fory (Llun Golwg360)
Mae BBC Wales wedi gorfod rhoi’r gorau i ddangos hysbyseb ar gyfer gêm rygbi Cymru a Lloegr ar ôl cyhuddiadau o hiliaeth.

Roedd y ffilm fer yn dangos pobol yn ceisio ateb y cwestiwn “Beth sy’n dda am Loegr?” trwy edrych yn gwbl wag ar y camera.

Roedd pobol ar y cyfryngau cymdeithasol wedi cyhuddo’r Gorfforaeth o fod yn “wrth-Seisnig” wrth ddangos yr hysbyseb.

Roedd eraill yn dweud bod yr hysbyseb yn hiliol.

‘Ddim yn taro’r nodyn iawn’

Wrth gadarnhau eu bod wedi rhoi’r gorau i ddangos y ffilm, fe ddywedodd y BBC eu bod yn derbyn nad oedd yr hysbyseb yn taro’r “nodyn iawn”.

“Roedd yn rhan o gasgliad o gynnwys i hyrwyddo Pencampwriaeth y Chwe Gwlad lle’r oedd cefnogwyr rygbi go iawn, rhai angerddol, llawn cyffro yn siarad am yr ymrafael cyfeillgar rhwng y gwledydd sy’n cymryd rhan yn y gystadleuaeth.

“Agwedd tafod yn y boch oedd hon, heb fwriad i dramgwyddo.”

Yn y gorffennol, mae’r BBC wedi amddiffyn cynnwys ar ôl cwynion am agweddau gwrth-Gymreig.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.