Pedwar o Geredigion i ymuno a thaith yr Urdd i’r Wladfa

 


Manon Lois Williams, Mared Fflur Davies, ac Alwen Morris (Llun: Yr Urdd)
Mae pedwar person ifanc o Geredigion wedi eu dewis ar gyfer taith yr Urdd i Batagonia.

Bydd Manon Lois Williams a Twm Ebbsworth, Mared Fflur Davies, ac Alwen Morris yn rhan o grŵp o 25 o bobl ifanc Cymru fydd yn teithio i Batagonia fis Hydref.

Tra ym Mhatagonia bydd y grŵp yn treulio pythefnos yn dilyn rhaglen o weithgareddau arbennig fydd mwy na thebyg yn cynnwys  cynnal cyngherddau, cymanfa ganu a noson lawen.

Y daith fydd 10fed taith yr Urdd a Mentrau Iaith Cymru i’r Wladfa sydd wedi ei chynnal yn flynyddol ers 2008 ac wedi gweld 200 o bobol ifanc yn teithio yno.

Mae’r daith yn costio £2,400 y person a bydd yn rhaid i’r pedwar chwilio am nawdd a chynnal llu o weithgareddau dros y misoedd nesaf er mwyn cyrraedd eu targed.

“Llu o geisiadau gwych”

“Cawsom lu o geisiadau gwych o bob rhan o Gymru unwaith eto eleni, ac roedd yn anodd dewis y 25 lwcus,” medd Lois Hedd, Swyddog Datblygu Dinbych ac un o arweinyddion y daith i Batagonia yn 2017.

“Mae’r her i hel yr holl arian sydd ei angen i fynd ar y daith bellach wedi dechrau, ac rydw i’n edrych ymlaen at weld creadigrwydd y bobl ifanc wrth iddynt fynd ati.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd