RSS

Golwg360

MwyCau 

Deiseb April Jones – mwy na 110,000 o enwau

Ionawr 31, 2017 11:35 Diweddarwyd Chwefror 1, 2017 12:05


April Jones Llun: Heddlu Dyfed Powys
Mae deiseb sy’n galw am ddedfrydau llymach i droseddwyr rhyw wedi llwyddo i gael mwy na 110,000 o lofnodion, sy’n golygu y bydd Senedd San Steffan yn ystyried cynnal dadl arno.

Cafodd y ddeiseb ei sefydlu gan deulu’r ferch 5 oed o Fachynlleth, April Jones, a gafodd ei chipio a’i lladd yn 2012.

Mae’r ddeiseb yn galw am sicrhau bod troseddwyr rhyw yn parhau ar y gofrestr am eu hoes beth bynnag fo’r drosedd.

Mae hefyd yn galw ar ddarparwyr gwasanaeth a pheiriannau chwilio i gael eu plismona’n well o ran lluniau o gam-drin plant a dedfrydau llymach i’r rheiny sy’n cael eu dal â lluniau o’r fath yn eu meddiant.

Lluniau anweddus

Cafodd Mark Bridger ei garcharu am oes am gipio a llofruddio April Jones, ac fe ddaeth hi i’r amlwg fod ganddo fwy na 500 o luniau anweddus o blant ar ei gyfrifiadur.

Fe fydd y Senedd yn ystyried cynnal dadl ar y mater yn awr, ac mae Llywodraeth y Deyrnas Unedig wedi ymateb gan ddweud fod ganddynt “rai o’r pwerau llymach yn y byd i ddelio â throseddwyr rhyw ac mae’r rheiny sy’n parhau i fod yn risg yn parhau’n amodol ar hysbysiad am weddill eu bywyd.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.