Plant tlotaf Cymru yn diodde’ mwy o broblemau iechyd

 


Mae adroddiad newydd yn awgrymu bod angen i Lywodraeth Gymru fynd i’r afael â safon isel iechyd plant ardaloedd tlota’ Cymru.

Yn ôl adroddiad y Coleg Pediatrig Brenhinol, mae tua 200,000 o blant Cymru’n byw mewn tlodi ac yn fwy tebygol o “brofi canlyniadau iechyd negyddol” o’u cymharu â’r rhai sy’n byw yn yr ardaloedd lleiaf difreintiedig.

Dywed hefyd nad yw babanod, plant a phobol ifanc sy’n byw yn ardaloedd tlota’ Cymru wedi elwa cymaint ar welliannau iechyd y ddau ddegawd diwetha’.

Caiff problemau iechyd plant o gefndiroedd tlawd eu hachosi gan nifer o ffactorau, yn cynnwys mamau’n ysmygu yn ystod beichiogrwydd, pwysau geni isel, a deiet gwael.

Dechrau’n Deg

Mae’r adroddiad yn derbyn nad oes gan Llywodraeth Cymru bwerau deddfwriaeth llawn dros nifer o feysydd allweddol er mwyn mynd i’r afael â’r broblem ond yn canmol prosiect ‘Dechrau’n Deg’ lle rhwng 2014 a 2015 cafodd gofal plant ei ddarparu i 37,260 o blant.

Er hyn, mae’r adroddiad yn awgrymu sawl gwelliant – yn cynnwys ehangu prosiect ‘Dechrau’n Deg’, a chynnig darpariaeth gyda ffocws penodol ar ofal sylfaenol. 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed