RSS

Golwg360

MwyCau 

S4C: cadarnhad y bydd £700,000 yn llai y flwyddyn nesa’

Ionawr 18, 2017 15:12 Diweddarwyd Ionawr 19, 2017 08:33


Mae dyfodol ariannol S4C yn parhau’n ansicr, wedi i un o weinidogion yr Adran Diwylliant, y Cyfryngau a Chwaraeon (DCMS) gyhoeddi y bydd y sianel yn derbyn £700,000 yn llai o San Steffan y flwyddyn nesa’.

Mewn dadl yn Neuadd Westminster heddiw, fe gadarnhaodd Matt Hancock ar ran y DCMS yr hyn oedd wedi’i amlinellu yn Natganiad yr Hydref, Canghellor y Trysorlys ym mis Tachwedd – sef y bydd yr arian i S4C yn gostwng o £6.762 miliwn y flwyddyn yma, i £6.058 miliwn y flwyddyn nesa’.

Ar y diwedd, fe roddodd y gweinidog awgrym fod y toriad arian yn cael ei ailystyried – heb ddweud mwy.

Fe ddaeth cadarnhad hefyd y  bydd adolygiad yn cael ei gynnal i waith y sianel – ond does dim sôn pryd yn union y bydd hwnnw’n digwydd. Yn ôl Matt Hancock, fe fydd yr adolygiad yn cael ei gynnal “yn fuan”.

Cafodd datganoli pwerau pellach dros ddarlledu ei drafod hefyd yn ystod y drafodaeth.

Adolygiad “yn fuan”

“Mae’r iaith Gymraeg ac S4C yn bwysig i’r Deyrnas Unedig,” meddai Matt Hancock, yn Gymraeg, cyn ychwanegu:

“Bydd yr adolygiad yn digwydd yn fuan, rydym yn ymwybodol o’r mater ynglŷn â phwerau benthyca ac rydym yn edrych ar opsiynau.

“O ran amseru, byddwn yn cyhoeddi yr adolygiad yn fuan… a gallaf eich sicrhau y bydd gan yr adolygwr ddealltwriaeth drwyadl o Gymru.”

Ymateb Huw Jones 

“Rydym yn croesawu’r drafodaeth fu yn San Steffan heddiw a sylwadau cefnogol y Gweinidog yn yr Adran Diwylliant, Cyfryngau a Chwaraeon,” meddai Huw Jones, Cadeirydd Awdurdod S4C, mewn datganiad i golwg36o.

“Rydym yn edrych ymlaen at gyhoeddiad pellach ynglŷn ag amseriad adolygiad y Llywodraeth, cyllido tymor byr a phwerau benthyg.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.