RSS

Golwg360

MwyCau 

Ceidwadwyr Cymreig yn beirniadu’r Bil Undebau Llafur

Ionawr 16, 2017 14:41 Diweddarwyd am 14:41


Andrew RT Davies (Llun: Ceidwadwyr Cymreig)
Mae’r Ceidwadwyr Cymreig wedi beirniadu cynlluniau Llywodraeth Cymru wrth gyflwyno Bil Undebau Llafur “unigryw” i Gymru.

Fe fydd y mesur yn dadwneud rhai agweddau o Ddeddf Llywodraeth Prydain ddaeth i rym ym mis Mai gan gynnwys yr elfen sy’n rhoi cyfyngiadau ar streiciau gweithwyr o fewn y sector cyhoeddus.

Ond mae arweinydd y Ceidwadwyr Cymreig, Andrew RT Davies, wedi beirniadu’r ddeddf fel modd i “dalu’n ôl i’w tâl-feistri sy’n undebau llafur, sydd wedi  rhoi mwy na £11 miliwn i’r Blaid Lafur ers i Jeremy Corbyn ddod yn arweinydd.”

“Ni fydd y cynlluniau yma yn gwneud unrhyw beth i wella gwasanaethau cyhoeddus yng Nghymru,” meddai.

Ychwanegodd Andrew RT Davies fod gan bobol “yr hawl i ddisgwyl amddiffynfeydd rhag gweithredu diwydiannol annemocrataidd.”

Dadwneud trothwy  pleidleisio am streic

Dywedodd Mark Drakeford, Ysgrifennydd Cyllid Llywodraeth Cymru, wrth golwg360: “beth ry’n ni’n neud yw ailwampio pethau i helpu ni i gael undebau sy’n ddigon cryf i wneud y gwaith pwysig sydd ganddyn nhw i wneud ac i ddod at y bwrdd gyda’n gilydd, gyda Llywodraeth Cymru, gyda phobol sy’n rhedeg ein gwasanaethau cyhoeddus ac i gael datrys y problemau sydd gennym ni.”

Os bydd y bil yn cael ei basio yn y Cynulliad, bydd yn dadwneud rhannau o’r ddeddf yn San Steffan sy’n ymwneud â Gwasanaeth Iechyd, addysg, llywodraeth leol a’r gwasanaeth tân yng Nghymru.

Mae hyn yn golygu na fydd rhaid cael trothwy o 40% o bleidlais y gweithlu cyn cynnal streic, mwy o amser i undebau llafur wneud eu gwaith a bydd amodau ar dynnu taliadau aelodau undebau llafur o gyflogau yn newid.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.