Cefnogaeth Llafur ‘ar ei lefel isaf’ ers 2010

Diweddarwyd am  


Yr Athro Roger Scully
Mae arolwg diweddaraf y Pôl Baromedr Gwleidyddol Cymreig yn dangos bod y gefnogaeth i Lafur wedi disgyn i’w lefel isaf yng Nghymru ers cyn yr etholiad cyffredinol yn 2010.

Cymerodd 1,034 o oedolion Cymru ran yn yr arolwg YouGov i ITV Cymru a Chanolfan Llywodraethiant Prifysgol Caerdydd rhwng Ionawr 3 a 6 eleni.

Fe gawsant eu holi ynglŷn â pha blaid yr oedden nhw’n ei gefnogi, a dyma’r canlyniadau ar gyfer etholiad cyffredinol yn y Deyrnas Unedig (mae’r ffigwr yn y cromfachau’n dangos y newid ers y pôl diwethaf ym mis Medi 2016):

Llafur: 33% (-2)
Ceidwadwyr: 28% (-1)
Plaid Cymru: 13% (dim newid)
UKIP: 13% (-1)
Democratiaid Rhyddfrydol: 7% (-1)
Eraill: 2% (-1)

Mae’r Athro Roger Scully o Ganolfan Llywodraethiant Cymru yn tynnu sylw at y cwymp yng nghefnogaeth Llafur gan awgrymu y gallai sedd Ynys Môn yn yr etholiad cyffredinol nesaf newid dwylo rhwng Llafur a Phlaid Cymru.

Mae hefyd yn rhagweld y canlyniadau canlynol i Gymru o dan y drefn ffiniau etholaethol newydd: Llafur 14 sedd; Ceidwadwyr 11 sedd; Plaid Cymru 3 sedd, a’r Democratiaid Rhyddfrydol 1 sedd.

Cynulliad Cenedlaethol Cymru

 

O ran y Cynulliad Cenedlaethol, roedd canlyniadau’r arolwg fel a ganlyn:

Llafur: 31% (-3)

Ceidwadwyr: 25% (+1)
Plaid Cymru: 21% (+1)
UKIP: 12% (-1)
Democratiaid Rhyddfrydol: 8% (+2)
Eraill: 3% (dim newid)

‘Trobwynt’

 

Esboniodd Roger Scully mai dyma’r gostyngiad mwyaf i Lafur mewn sawl blwyddyn gan awgrymu eu bod yn wynebu “trobwynt.”

“Dyma’r raddfa pôl isaf i’r blaid ar bleidlais etholaethol y Cynulliad ers y pôl Cymreig cyntaf gan YouGov ym mis Gorffennaf 2009,” meddai.

Dyma hefyd oedd canlyniadau’r bleidlais ranbarthol:

Llafur: 28% (-1)

Ceidwadwyr: 22% (dim newid)
Plaid Cymru: 20% (-1)
UKIP: 14% (+1)
Democratiaid Rhyddfrydol: 7% (+1)
Eraill: 7% (-3)

 

‘Trafferthion parhaus’

 

Wrth grynhoi’r arolwg, dywedodd Roger Scully:

“Ar y cyfan, mae ein pôl baromedr newydd yn dangos bod trafferthion parhaus y blaid Lafur ar draws y Deyrnas Unedig yn gadael effaith nodedig yng Nghymru, eu cadarnle sydd wedi aros hiraf.

“Tra bod perfformiad y Blaid Lafur yn ein harolwg newydd yn wan, does dim un o’i gwrthwynebwyr yn cael cyfraddau disglair chwaith.

“Ond fel mae ein rhagdybiaethau ar gyfer seddau’r Cynulliad Cenedlaethol yn dangos, hyd yn oed heb fod y gwrthwynebwyr yn gwneud mor dda â hynny, os yw cefnogaeth Llafur yn parhau i wanhau yna fe allai’r blaid dalu pris etholaethol trwm iawn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd