RSS

Golwg360

MwyCau 

Gradd Anrhydedd i Chris Coleman

Ionawr 9, 2017 12:15


Chris Coleman (llun:Joe Giddens/PA)
Bydd rheolwr tîm pêl-droed Cymru yn cael gradd anrhydedd gan Brifysgol Abertawe ddydd Mercher, Ionawr 11.

Mae’r brifysgol wedi penderfynu anrhydeddu’r gŵr, 46 oed, sy’n wreiddiol o ardal Townhill yn Abertawe â gradd MSc yn dilyn ei lwyddiant yn arwain Cymru i bencampwriaeth Ewro 2016.

Dyma oedd y tro cyntaf mewn 58 mlynedd i’r tîm gyrraedd rowndiau terfynol cystadleuaeth ryngwladol.

Mae’r anrhydedd hon gan Brifysgol Abertawe yn un arall i’w hychwanegu at restr yr hyfforddwr.

Ym mis Ionawr, fe dderbyniodd Chris Coleman OBE, ac ym mis Rhagfyr fe gafodd wobr Cydnabyddiaeth Arbennig yng Ngwobrau Chwaraeon Cymru.

Mae hefyd wedi derbyn anrhydedd Rhyddid Abertawe ym mis Hydref 2016.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.