Cyngerdd i ddathlu deugain Radio Cymru

 


Mae’r BBC Radio Cymru wedi cyhoeddi y bydd yn gwahodd gwrandawyr i gyngerdd arbennig ar Ddiwrnod Santes Dwynwen, fel rhan o ddigwyddiadau i ddathlu pen-blwydd y sianel yn 40 oed.

Bydd Cerddorfa a Chorws Cenedlaethol Cymreig y BBC gydag artistiaid fel Ywain Gwynedd ac Alys Williams yn perfformio yn y digwyddiad yn Neuadd Hoddinott yng Nghaerdydd, sef cartref Cerddorfa Genedlaethol Gymreig y BBC.

Yn ogystal â rhai o’r hen glasuron, mae’r cerddor John Quirk wedi ysgrifennu trefniannau newydd i’r gerddorfa ar gyfer yr achlysur.

‘Teimlo fel Mozart’

Dywedodd Dyl Mei, y cynhyrchydd sydd wedi dewis cerddoriaeth ar gyfer y diwrnod, “Dwi erioed wedi gweld cerddorfa yn fyw o’r blaen. Felly bydd hi’n bleser pur clywed un go iawn y BBC yn chwarae rhai o fy newisiadau personol. Mae o’n neud i fi deimlo fel Mozart – er ’mod i dal i edrych fel Pavarotti!”

Ymhlith yr uchafbwyntiau, bydd Ywain Gwynedd yn canu Sebona Fi – hoff gân gwrandawyr Radio Cymru yn siart #40Mawr yr orsaf yn 2016.

‘Diwrnod i’w gofio’

Ychwanegodd  Betsan Powys, Golygydd Radio Cymru: “Mae croeso cynnes i bawb ymuno â ni ar Ddiwrnod Santes Dwynwen i fwynhau diwrnod i’w gofio yn Neuadd Hoddinott.

“Does dim angen tocynnau ac mae cyfle i bobl gyrraedd unrhyw bryd yn ystod y dydd. Hoffwn ddal ar y cyntaf o nifer o gyfleoedd fydd eleni, i ddiolch yn fawr i’r rheiny sydd wedi cyfrannu at lwyddiant yr orsaf.

“Ac mae’r diolch mwya’, wrth gwrs, i’n cynulleidfa sy’n cadw cwmni i ni bob dydd. Diolch o galon!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd