RSS

Golwg360

MwyCau 

Darganfod corff wrth chwilio am David Skeen, 51

Ionawr 8, 2017 08:27


David Skeen (Llun: Heddlu Dyfed-Powys)
Mae corff wedi cael ei ddarganfod wrth i dimau achub chwilio am David Skeen, 51 oed o Dalgarth ym Mhowys.

Dydy e ddim wedi cael ei weld ers iddo adael ei gartref am 9 o’r gloch fore dydd Mawrth i fynd allan i redeg.

Roedd e wedi symud i’r ardal o Fryste’n ddiweddar.

Fe fu timau achub mynydd, y gwasanaeth tân a’r heddlu’n chwilio amdano.

Dydy’r corff ddim wedi cael ei adnabod yn ffurfiol eto.

Yn dilyn y newyddion, talodd y Cynghorydd Sir, William Powell deyrnged i’r gwasanaethau achub.

“Mae arnon ni ddyled arbennig i wirfoddolwyr achub mynydd, ac i drigolion lleol eraill a ddaeth ymlaen i helpu ac i rannu eu gwybodaeth leol.

“Roedd hyn yn bwysig wrth ddod â’r chwilio i ben.

“Yn ystod y chwilio, mae aelodau o gymuned leol Talgarth wedi bod yn feddylgar yn eu hymateb a dw i’n sicr y bydd preifatrwydd a theimladau’r teulu’n flaenllaw yn ein meddyliau dros y dyddiau i ddod.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.