Carchar i dri am lofruddio Lynford Brewster

 


Lynford Brewster (Llun: Heddlu De Cymru)
Mae tri dyn wedi cael eu carcharu am gyfanswm o 90 o flynyddoedd am lofruddio Lynford Brewster.

Cafwyd Dwayne Edgar, 29 o Lanedeyrn, Jake Whelan, 24 o Gaerdydd, a Robert Lainsbury, 23 o Gaerwrangon, yn euog o lofruddio Lynford Brewster yng ngolau ddydd ym mis Mehefin.

Cafodd Jake Whelan garchar am 32 o flynyddoedd, Robert Lainsbury 30 o flynyddoedd a Dwayne Edgar 28 o flynyddoedd.

Cafodd y tri eu dedfrydu ar y diwrnod y byddai Lynford Brewster wedi bod yn dathlu ei ben-blwydd yn 30 oed.

Cafodd ei ddisgrifio gan ei deulu fel “mab, partner a brawd cariadus”, ac fe ddywedon nhw y byddai “wedi dotio” at ei ferch fach oedd wedi’i geni ar ôl ei farwolaeth.

Dywedodd ei deulu ei fod e wedi cael ei lofruddio mewn modd “ciaidd” ynghanol ystad o dai, a bod y profiad o wrando mewn llys ar yr hyn roedd y tri wedi’i wneud iddo’n brofiad “anodd eithriadol”.

Diolchodd y teulu i’w cymdogion, y tystion, Gwasanaeth Erlyn y Goron a Heddlu De Cymru.

Talodd yr heddlu deyrnged i’r “ysbryd o gymuned” yn Llanedeyrn, ac i’r teulu am eu “hurddas” drwy gydol yr achos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd