‘Siom’ cyn-asiant Dafydd Elis-Thomas

Diweddarwyd am  


Dafydd Elis-Thomas Llun: Plaid Cymru
Mae un o etholwyr Dwyfor Meirionnydd, a arferai fod yn asiant i’r Aelod Cynulliad Dafydd Elis-Thomas, wedi mynegi ei “siom” ei fod wedi penderfynu cefnogi Llywodraeth Lafur Cymru yn y pumed Cynulliad.

Yn ôl Gwerfyl Jones, a arferai weithio i Blaid Cymru yng Nghaerdydd ac sydd wedi adnabod Dafydd Elis-Thomas ers yr 1970au, “mae wedi bod yn siom fawr imi, ac i nifer o bobol eraill dw i’n eu nabod yn Nwyfor Meirionnydd.

“Rydan ni wedi ymgyrchu dros ymgeisydd Plaid Cymru ac nid dros y blaid Lafur. A doeddem ni ddim wedi clywed ynghynt am ei fwriad i gydweithio â Llafur,” meddai wrth golwg360.

“Mae o wedi sôn bod o eisiau llywodraeth gref, ond dw i’n meddwl fod angen gwrthblaid gref hefyd, a dw i ddim  yn gwybod sut allwch chi ymrwymo i gefnogi plaid arall am bedair blynedd heb wybod yn union be maen nhw’n bwriadu’i wneud,” meddai Gwerfyl Jones.

‘Cwbl amlwg’

Dywedodd Dafydd Elis-Thomas wrth golwg360: “roedd o’n gwbl amlwg yn fy neges etholiad ’mod i’n bwriadu cydweithio gyda chyngor Gwynedd a chydweithio gyda gweinidogion Cymru a dyna ydw i wedi gwneud ar hyd y blynyddoedd er mwyn ceisio datblygiadau yn fy etholaeth.”

Esboniodd ei fod wedi dod i’r penderfyniad i gefnogi Llafur yn dilyn cyfarfod diweddar â’r Prif Weinidog ac esboniodd mai dyma fydd natur y drefn o hyn allan:

“Mi fydda i’n cael sgwrs efo’r llywodraeth am y busnes ar ddechrau’r wythnos fel arfer, ac yna mi fydda i’n gallu cadarnhau a fydda i ar gael i gefnogi os oes angen.”

Dywedodd ei fod am sicrhau “mwyafrif cadarn” i’r llywodraeth oherwydd, “mae ‘na beryg i lais Cymru gael ei golli os nad ydan ni’n unedig.”

Cadarnhaodd na fyddai ei benderfyniad yn arwain at ddiswyddiadau yn swyddfa ei etholaeth.

Mae Cadeirydd y Pwyllgor Etholaeth, Dyfrig Siencyn, wedi dweud wrth golwg360 na fyddan nhw’n cyfarfod tan fis Ionawr, pan fydd disgwyl iddyn nhw drafod oblygiadau ei benderfyniad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd