RSS

Golwg360

MwyCau 

‘Angen ysgol i droseddwyr ifanc y Gogledd’

Rhagfyr 16, 2016 12:04


Mark Isherwood
Mae gwleidydd wedi galw am ysgol yn y gogledd i droseddwyr ifanc difrifol, a hynny er mwyn rhoi addysg a hyfforddiant arbennig i’r plant.

Yn ôl yr Aelod Cynulliad Mark Isherwood, mae angen i Lywodraeth Cymru ddilyn esiampl Lloegr a chydweithio â Llywodraeth Prydain i sefydlu’r fath ysgolion.

Yng nghyfarfod llawn y Cynulliad dydd Mercher, fe ddywedodd yr Ysgrifennydd dros Gymunedau, Carl Sargeant, na fyddai Llywodraeth Cymru yn creu ysgolion i droseddwyr.

Mae Llywodraeth Prydain wedi cyhoeddi y bydd yn creu dwy ysgol ddiogel i droseddwyr, a fydd yn canolbwyntio ar Saesneg, Mathemateg a hyfforddiant gwaith.

Ond yn ôl Carl Sargeant, nid dyma’r ffordd “cywir na phriodol” o helpu pobol ifanc, gan ddweud “na ddylwn ni fod yn carcharu ein pobol ifanc; ond yn eu cefnogi ymlaen llaw”.

Ond yn ôl y Tori Mark Isherwood mae sylwadau’r Ysgrifennydd yn “anghyfrifol”.

“Mae ysgolion diogel yn opsiwn gwell na charchardai plant,” meddai Mark Isherwood.

“Tra bod pobol ifanc dan glo mae angen i ni sicrhau eu bod yn cael yr addysg a hyfforddiant cywir fel eu bod yn gallu byw eu bywydau dan reolau’r gyfraith, a gwneud ein strydoedd a’n cymunedau yn fwy diogel hefyd.”

Mae golwg360 wedi gofyn am ymateb gan Lywodraeth Cymru.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.