“Siawns am Ddolig gwyn” eleni, meddai academydd

 


Mae siawns y gallai rhannau o Gymru gael Nadolig gwyn eleni, yn ôl arbenigwr sydd wedi astudio patrwm y jetlif dros y blynyddoedd diwethaf.

Esboniodd yr Athro Tom Rippeth o Ysgol Gwyddorau Eigion Prifysgol Bangor fod y jetlif wedi llifo ar ffurf llinell syth dros y blynyddoedd diwethaf, gan arwain at aeafau tyner, stormydd a llifogydd.

“Fodd bynnag, y gaeaf hwn, mae’r jetlif yn edrych yn dra gwahanol, ac yn dilyn llwybr troellog.”

Esboniodd fod hynny wedi arwain at dywydd cyfnewidiol gyda’r tymheredd yn syrthio ddiwedd Tachwedd a dechrau Rhagfyr ac yna’n codi dros y dyddiau diwethaf.

Dywedodd fod hyn yn debyg i batrwm gaeafau caled 2010 a 2011, gan ddweud y gallai’r jetlif ddisgyn eto gan ddod ag eira dros y Nadolig.

Eira i’r gogledd?

Yn ôl Tom Rippeth, fe allai gogledd Cymru weld eira o ganlyniad i’r gwyntoedd sy’n ymchwyddo wrth chwythu dros Fynyddoedd y Cambria ac Eryri.

“Ar y llaw arall gall y gwyntoedd oer o’r Arctig sy’n chwythu o’r gogledd a’r dwyrain godi gwlybaniaeth fel y maent yn chwythu dros Fôr Iwerddon, ac yna syrthio fel eira dros ogledd Cymru,” meddai.

Daeth i’r casgliad, “mae’r tebygolrwydd o gael Nadolig gwyn eleni yn uwch nag efallai y byddech yn tybio, o ystyried y tymheredd cynnes yr ydym wedi eu profi’n ddiweddar.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd