RSS

Golwg360

MwyCau 

Dadorchuddio murlun ffoaduriaid yn Aberystwyth

Rhagfyr 13, 2016 00:12 Diweddarwyd Rhagfyr 12, 2016 16:22


Ffoaduriaid o Syria Llun: PA
Fe fydd murlun gyda negeseuon o groeso i ffoaduriaid yn cael ei arddangos am y tro cyntaf heddiw yn Aberystwyth.

Rhan o ymgyrch Sefyll Fel Un yw’r prosiect, sydd wedi ei drefnu ar y cyd rhwng Oxfam Cymru, yr artist Valériane Leblond, a disgyblion Ysgol Gymraeg Aberystwyth.

Mae’r murlun yn cynnwys negeseuon o groeso gan drigolion Aberystwyth a gasglwyd yn siopau Oxfam.

“Mae blwyddyn gyfan wedi pasio ers i’r ffoaduriaid cyntaf gyrraedd Cymru, ac mae’r murlun hyfryd hwn yn dangos y gefnogaeth a’r croeso mae pobl ardal Aberystwyth wedi ei ddangos i’r teuluoedd sydd wedi ymgartrefu yn yr ardal,” meddai Kirsty Davies-Warner, Pennaeth Oxfam Cymru.

“Wrth i ni arddangos y murlun rydym hefyd yn ymfalchïo yn y newyddion y bydd pob awdurdod lleol yng Nghymru wedi ailgartrefu ffoaduriaid o Syria erbyn y Nadolig, sy’n dangos gwir ymateb cenedlaethol i’r argyfwng.”

Cyrhaeddodd y ffoaduriaid cyntaf o Syria i Aberystwyth Rhagfyr diwethaf trwy gynllun ailgartrefu Llywodraeth Prydain ac ers hynny  mae 11 o ffoaduriaid wedi dod i fyw i Geredigion, a chyfanswm o 294 o ffoaduriaid wedi setlo yng Nghymru.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.