Ofn y gallai’r Llywodraeth ‘ddileu’ Strategaeth Addysg Gymraeg

Diweddarwyd am  


Mae Cymdeithas yr Iaith Gymraeg wedi mynegi pryser tros fwriad Ysgrifennydd y Gymraeg i ddileu Strategaeth Addysg Gymraeg y Llywodraeth.

O ddarllen llythyr Alun Davies at y Pwyllgor Plant, Pobol Ifanc ac Addysg, mae’n debyg ei fod yn bwriadu cyfuno’r strategaeth a gafodd ei chreu yn 2010 â’r Strategaeth Iaith newydd, i greu miliwn o siaradwyr Cymraeg, sydd dan ymgynghoriad ar hyn o bryd.

Mae Cymdeithas yr Iaith bellach wedi ysgrifenno ato’n galw am sicrwydd na fydd y penderfyniad yn golygu “llai o graffu a thryloywder” ar berfformiad y Llywodraeth ar addysg cyfrwng Cymraeg.

Wrth gyfuno’r ddwy strategaeth, mae’r mudiad hefyd yn gofyn am sicrwydd y bydd y targedau y Strategaeth Addysg Gymraeg yn cael eu cryfhau a bod y Llywodraeth yn ymwymo i “fuddsoddiad sylweddol” er mwyn “normaleiddio” addysg Gymraeg.

Llythyr Cymdeithas

“Credwn ei bod yn bwysig bod cynllun gweithredu ac atebolrwydd blynyddol ynghylch normaleiddio a thyfu addysg cyfrwng Cymraeg gydag adrodd ar y cynnydd fesul blwyddyn,” meddai Toni Schiavone, cadeirydd Grŵp Addysg Cymdeithas yr Iaith.

“Yr hyn sydd ei angen yw amcanion a nodau clir a chyfle amlwg i’r cyhoedd ac eraill graffu ar y cynnydd yn ôl y targedau hynny.”

Dydy Llywodraeth Cymru heb ymateb yn swyddogol eto ond fe ddywedodd llefarydd wrth golwg360, y bydd y Strategaeth Iaith newydd, fydd yn cael ei chyflwyno yn y Gwanwyn, yn cwmpasu’r Strategaeth Addysg Gyfrwng Cymraeg.

Ymateb y Llywodraeth 

“Mae gan y gyfundrefn addysg rôl allweddol i’w chwarae i gyrraedd ein nod o filiwn o siaradwyr,” meddai llefarydd ar ran y Llywodraeth, mewn ymateb i golwg360.

“Bydd y Strategaeth Iaith newydd yn adeiladu ar y Strategaeth Addysg Cyfrwng Cymraeg gyfredol ac yn cynnwys targedau ar gyfer ehangu a gwella’r ddarpariaeth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd