DATBLYGIAD: AC yn ymddiheuro am grïo yn y Cynulliad

Diweddarwyd  


Mae Aelod Cynulliad Aberconwy wedi ymddiheuro am gerdded allan o gyfarfod ym Mae Caerdydd yn ei dagrau.

Roedd Janet Finch-Saunders yn rhan o gyfarfod yn holi Ombwdsmon Gwasanaethau Cyhoeddus Cymru, Nick Bennett, pan ddechreuodd hi sôn am ddau achos penodol yn ei hetholaeth hi ei hun yr oedd wedi cael trafferthion mawr yn eu trafod.

“Hoffwn ddiolch am y gwaith gwnaethoch chi, roedd dau o’r adroddiadau hynny i wneud â dau o fy etholwyr i,” meddai Janet Finch-Saunders wrth Nick Bennett yn y Cynulliad heddiw.

“Wnes i fynd i sawl cyfarfod disgyblu, ac roeddwn i’n mynd i nunlle. Roeddem ni am gael cyfiawnder i’r teulu.

“Roedd yn rhwystredig iawn, y diffyg cyfathrebu. Mae lot o broblemau gyda’r Bwrdd Iechyd… diffyg cyfathrebu, pobol ddim yn siarad â’i gilydd… meddygon iau ddim yn siarad ag ymgynghorwyr, cofnodion nyrsio ddim yno ac mewn cyfarfodydd disgyblu roeddwn yn dysgu bod cofnodion heb gael eu cofnodi pan roedd teuluoedd yn codi pryderon pwysig iawn.”

Ymddiheuro

“Mae’n ddrwg gen i am fynd yn yspet ond roedden nhw’n ddau achos sensitif iawn,” meddai Janet Finch-Saunders.

“Mae’n bryder i fi mai dim ond pan fydd pethau’n mynd o chwith yr ydych chi’n cael y lefel iawn o lywodraethu.

“Roedd galar y teulu o achos diffyg ymateb, ac roedden nhw’n teimlo bod neb yn poeni dim.”

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd