Canolfan cynnal a chadw awyrennau rhyfel i Sir y Fflint

Diweddarwyd  


Awyren F35 (Llun: Y Weinyddiaeth Amddiffyn)
Mae’r Weinyddiaeth Amddiffyn wedi cyhoeddi heddiw fod cydrannau awyrennau rhyfel am gael eu cynnal a’u cadw mewn canolfan yn Sir y Fflint.

Fe wnaeth y Weinyddiaeth Amddiffyn ddewis safle Asiantaeth Amddiffyn Gydrannol ac Electronig (DECA) yn Sealand, Sir y Fflint, fel eu canolfan newydd i drwsio’r awyren F35 sy’n cael eu hadeiladu gan gwmni Lockheed Martin.

Eisoes, mae 400 o bobl yn cael eu cyflogi ar y safle hwn, ac mae disgwyl i’r cyhoeddiad ddiogelu’r rheiny a chreu mwy o swyddi, ynghyd â chyfrannu at ddiwydiant amddiffyn y Deyrnas Unedig.

Bydd y gwaith yn cynnwys trwsio darnau mecanyddol, trydanol, tanwydd a systemau hydrolig yr awyrennau, ac mae disgwyl i’r gwaith ddechrau yn 2018.

Swyddi ac economi

“Mae’r cyhoeddiad heddiw yn gwneud Cymru yn ganolbwynt atgyweirio hanfodol ar gyfer cefnogi’r awyren F-35 ac yn cadarnhau ein statws fel arweinwyr mewn technoleg awyrennau,” meddai Alun Cairns, Ysgrifennydd Gwladol Cymru.

“Rwy’n falch iawn bod yr arbenigedd sy’n bodoli yng Nghymru, ynghyd â’r gweithlu medrus, wedi cael eu cydnabod gan y cytundeb hwn. Bydd yn arwain at fuddsoddiad o filiynau o bunnoedd i economi Gogledd Cymru,” meddai wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd