RSS

Golwg360

MwyCau 

Arolwg cenedlaethol yn holi barn athrawon

Hydref 31, 2016 12:15


Llun: PA
Mae arolwg cyntaf o’i fath, a fydd yn holi barn athrawon a gweithwyr addysg ac yn rhoi cyfle iddyn nhw ddylanwadu ar ddatblygiad polisi addysg yng Nghymru, wedi’i lansio.

Wrth gyhoeddi’r arolwg heddiw, dywedodd Ysgrifennydd y Cabinet dros Addysg Kirsty Williams AC ei bod yn bwriadu codi statws y proffesiwn addysg yn gyffredinol.

Bydd athrawon ysgol, athrawon addysg bellach ynghyd â gweithwyr cymorth yn cael cyfle i gwblhau’r arolwg 10 munud gan leisio barn ar ddatblygiad proffesiynol, rheoli perfformiad, a llwyth gwaith.

Cyngor y Gweithlu Addysg (CGA) sy’n cynnal yr arolwg a bydd yn cael ei gynnal tan 2 Rhagfyr.

‘Cyfle euraid’

Meddai Cadeirydd CGA Angela Jardine: “Dyma’r tro cyntaf i’r gweithlu addysg yng Nghymru gael dweud eu dweud ar bopeth sy’n effeithio arnynt – o lwyth gwaith i reoli perfformiad.

“Mae’n gyfle euraid i staff ledled y wlad fynegi eu barn er mwyn llunio polisi addysgol yn y dyfodol. Byddwn yn ystyried y canlyniadau yn ofalus, gyda’r gobaith o’u cyhoeddi ym mis Ionawr 2017.”

Ychwanegodd Kirsty Williams: “Rwyf am weithio’n agos gyda’r gweithlu addysg i’w helpu i fod y gorau y gallant fod, wrth godi statws y proffesiynau yn gyffredinol. Heb weithwyr proffesiynol brwdfrydig, medrus sy’n cael eu gwerthfawrogi, ni allwn gynnig y cyfleoedd addysgol y mae ein dysgwyr yn eu haeddu.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.