Yr awdur, Andras Millward, wedi marw yn 50 oed

Diweddarwyd am  


Andras Millward (Llun: Llio Millward)
Mae awdur Cymraeg oedd yn arbenigo mewn nofelau ffuglen wyddonol, wedi marw yn 50 oed.

Roedd Andras Millward yn byw ym Mryste, ond cafodd ei fagu yn Aberystwyth yn fab i’r darlithydd Cymraeg, Tedi Millward a Silvia Hart, ac yn frawd i’r gantores sy’n byw ac yn gweithio yn Llundain, Llio Millward.

Gwnaeth ei enw fel awdur nofel i ddysgwyr yn 1999 Deltanet ynghyd â Prosiect Nofa ac Un Cythraul yn Ormod ymhlith eraill.

Fe fu’r awdures Elin Llwyd Morgan yn cydweithio ag ef ar amryw brosiectau gan ddod i’w adnabod trwy ei gwaith yng ngwasg Y Lolfa pan gyhoeddodd Andras Millward ei nofel, Prosiect Nofa.

“Mae ei gyfraniad yn un pwysig achos roedd o’n ysgrifennu mewn genre sy’n eithaf anodd yn y Gymraeg,” meddai.

“Mi oedd o’n berson addfwyn iawn, ac roedd ganddo hiwmor tawel. Mi oedd o’n edrych ar fywyd mewn ffordd wahanol ac roedd hynny’n cael ei adlewyrchu yn ei lyfrau dw i’n meddwl.”

Roedd Andras Millward hefyd yn athro a hyfforddwr campau amddifyn (self defence) ym Mryste.

Bu farw ar Hydref 16, ac fe fydd ei angladd yn cael ei gynnal ym Mryste ar Dachwedd 19. Mae’n gadael dwy ferch, Megan Daisy a Hannah Lilly.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed