RSS

Golwg360

MwyCau 

Cyfreithiwr yn beirniadu Mesur Cymru yn hallt

Hydref 24, 2016 10:08


Y cyfreithiwr a’r bardd, Emyr Lewis
Wrth i Fesur Cymru basio trwy San Steffan, mae cyfreithiwr blaenllaw wedi beirniadu’r Mesur yn hallt gan gyhuddo gweision sifil yn Llundain o “daflu tywod i beirianwaith y Cynulliad” er mwyn ei arafu.

Mae’r cyfreithiwr a’r bardd, Emyr Lewis, yn honni fod rhai adrannau yn Whitehall yn gyndyn i symud i ffwrdd o’r cysyniad o  ‘England and Wales’ ac fe fydd hynny yn ei dro yn ei gwneud hi’n anoddach i’r Cynulliad ddeddfu.

Mae Emyr Lewis yn cymharu’r Cynulliad i beiriant ble mae gweision sifil o Lundain yn taflu tywod i fol y peiriant.

“Fel dw i’n gweld hi, y syniad ydi fod y Cynulliad i fod i bweru pobol Cymru ac mi wyt ti yn rhoi’r peiriant iddyn nhw i neud pethau ond maen nhw’n taflu lot o dywod i mewn i’r peiriant ac mae’r peiriant yn mynd yn araf ac yn torri i lawr.

“Y broblem dechnegol gyfreithiol yw parhad gwleidyddion a gweision sifil mewn rhai adrannau yn Whitehall i fynnu mai nhw sydd a’r gair ola’ mewn perthynas â nifer o bynciau,” meddai Emyr Lewis wedyn.

“Mae hynny wedi arwain, i raddau, at barhad y cysyniad ‘England and Wales’. Fe fydd y Cynulliad wedi dioddef cwtogiad afresymol i’w allu i ddeddfu, a bydd hynny yn ei dro, yn arwain at rwystredigaeth o ran Llywodraeth a fydd yn ei chael hi’n  anoddach i ddeddfu mewn rhai meysydd nag ar hyn o bryd.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.