Cyngor Caerdydd: lefel bodlonrwydd y cyhoedd yn syrthio 10%

 


Mae trigolion ardal Caerdydd yn llai bodlon gyda’u gwasanaethau cyhoeddus o’i gymharu â’r un cyfnod y llynedd, yn ôl arolwg.

Mae’r ffigyrau wedi’u cyhoeddi yn arolwg hunan-welliant y cyngor, ac mae’n dangos hefyd bod y cyngor wedi methu a chyrraedd targedau addysg a gofal cymdeithasol – er ei fod yn honni i fod y trydydd cyngor sydd wedi gweld y gwelliant mwyaf yng Nghymru.

Roedd bodlonrwydd y cyhoedd ar wasanaethau sy’n cael eu darparu gan y cyngor, gan gynnwys casglu gwastraff a glanhau strydoedd, i lawr o 80.8% yn 2014-15 i 69.3% yn 2015-16.

Er hyn, fe roedd rhai gwasanaethau a welodd welliant gan gynnwys glanhau priffyrdd ac ail-gylchu.

Roedd yr Arweinydd Phil Bale yn falch bod y cyngor wedi medru gwella mewn cymaint o ardaloedd o ystyried y toriadau sy’n wynebu’r cyngor, ond fe nododd hefyd bod “llawer mwy i’w wneud”.

Cafodd canlyniadau’r arolwg eu trafod mewn cyfarfod llawn o’r cyngor ddydd Iau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd