RSS

Golwg360

MwyCau 

Tynnu 120,000 litr o olew o Nant y Pibwr

Hydref 21, 2016 11:51 Diweddarwyd am 11:52


Mae 120,000 litr o olew cerosin wedi cael ei dynnu o ddŵr afon yng Nghaerfyrddin, yn ôl yr awdurdodau lleol.

Roedd tua 140,000 litr o gerosin wedi gollwng o beipen y cwmni puro olew Valero a llygru Nant Pibwr ger Nant-y-caws, gan ladd nifer sylweddol o bysgod.

Bu’n rhaid cau ffordd yr A48 i’r ddau gyfeiriad er mwyn cwblhau gwaith i drwsio’r beipen a thynnu’r olew o’r dŵr a bydd yn parhau ynghau tan 1 Tachwedd.

Mae ymchwiliad i’r digwyddiad yn cael ei gynnal gan Gyfoeth Naturiol Cymru ond mae eisoes wedi dod i’r amlwg nad yw’r olew wedi effeithio ar ddŵr yfed.

Er hyn, gofynnir i bobol wneud ymdrech i gadw da byw ac anifeiliaid anwes i ffwrdd o’r dŵr.

Dywedodd Aelod Pwyllgor Cyngor Sir Gar tros yr Amgylchedd a Diogelwch Cyhoeddus, y Cynghorydd Jim Jones: “Mae’r digwyddiad wedi cael effaith fawr ar yr amgylchedd ac ar y gymuned leol ac rydym yn gwneud popeth o fewn ein gallu i gynorthwyo’r gwaith adfer er mwyn y trigolion lleol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.