Apêl wedi marwolaeth bocsiwr yn cyrraedd £20,000

 


Mike Towell
Mae apêl i godi arian i deulu’r bocsiwr o’r Alban fu farw’r wythnos diwethaf wedi cyrraedd ei darged o £20,000 mewn ychydig ddyddiau.

Bu farw Mike Towell ar ôl dioddef anafiadau i’w ben mewn gornest yn erbyn y Cymro Dale Evans yn Glasgow nos Iau ddiwethaf.

Cafodd yr apêl ei sefydlu gan un o bencampwyr bocsio’r byd, Ricky Hatton, er mwyn cefnogi teulu’r bocsiwr – ei gariad Chloe Ross a’u mab Rocco.

Bellach, mae mwy na £28,000 wedi’i godi.

‘Cwestiynau i’w hateb’

Cafodd Mike Towell, 25 oed, ei ruthro i ysbyty Dundee wedi’r ornest gafodd ei darlledu ar STV Glasgow.

Roedd yn dioddef o waedu difrifol a’i ymennydd wedi chwyddo, a bu farw ddydd Gwener.

Ac mae’r cyn-ddyfarnwr bocsio, Wynford Jones, wedi dweud wrth Golwg360 fod cwestiynau i’w hateb yn dilyn ei farwolaeth.

“Mae angen ateb cwestiynau,” meddai.

“Clywais i sôn fod Mike yn dioddef o migraine dros yr wythnos. Does dim posib cuddio rhywbeth fel’na o’r meddygon yn ystod medical.”

Ychwanegodd na ddylai’r ornest fod wedi’i chynnal yn sgil y pennau tost yn y lle cyntaf.

“Roedd problem yn y cefndir fynna. Mae’n bosib fod rhywbeth wedi digwydd tra ei fod e’n paratoi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones