RSS

Golwg360

MwyCau 

Mwy o bobol dros 100 oed yng Nghymru nag erioed o’r blaen

Medi 29, 2016 11:34 Diweddarwyd am 14:00


Mae nifer y bobol sydd dros 100 oed yng Nghymru ar ei nifer uchaf erioed, yn ôl ffigyrau a gyhoeddwyd heddiw gan y Swyddfa Ystadegau Gwladol.

Yn ôl y ffigyrau, roedd tua 730 o bobl dros 100 oed yn byw yng Nghymru yn 2015. O’r rhain roedd tua 110 yn ddynion a 620 yn ferched er bod y bwlch rhwng oedran marw dynion a merched yn gostwng.

Mae’r nifer wedi dyblu, bron, mewn degawd, o gymharu â’r 460 o bobol dros 100 oed oedd yn byw yng Nghymru yn 2005.

Gweddill gwledydd Prydain

Ledled gwledydd Prydain, roedd 14,570 o bobol dros 100 oed yn 2015 – cynnydd o dros 65% yn y degawd diwethaf. Amcangyfrifir bod 850 o’r rhain yn 105 mlwydd oed neu drosodd, sy’n ddwbwl nifer 2005.

Meddai Pamela Cobb o Uned Dadansoddi Demograffig y Swyddfa Ystadegau Gwladol: “Mae nifer y bobol dros 100 oed yn y Deyrnas Unedig yn parhau i gynyddu o flwyddyn gan gyrraedd ychydig dros 14,500 yn 2015.

“Er bod y rhan fwyaf o’r hen iawn yn fenywod, mae nifer y dynion sy’n cyrraedd yr oedran hynaf yn cynyddu wrth i nifer marwolaethau’r dynion fynd i lawr.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.