Mel Charles wedi marw

Diweddarwyd am  


Mae’r cyn-bêldroediwr Mel Charles wedi marw’n 81 oed.

Fe fu’n byw mewn cartref gofal yn Abertawe ers sawl blwyddyn.

Chwaraeodd Charles, brawd John Charles, mewn 233 o gemau i Abertawe, gan ennill 31 o gapiau dros Gymru, ac roedd yn aelod o amddiffyn Cymru yn ystod Cwpan y Byd yn 1958.

Roedd ei fab Jeremy hefyd wedi chwarae i Abertawe.

Gyrfa

Ar ôl cyfnod yn brentis gyda Leeds, fe ddaeth yn chwaraewr proffesiynol gydag Abertawe yn 1952, gan dreulio saith tymor yn ninas ei febyd.

Symudodd i Arsenal am £42,750 yn 1959 ond fe gafodd ei werthu i Gaerdydd dair blynedd yn ddiweddarach am £28,500 yn dilyn sawl tymor o anafiadau.

Roedd yn aelod o garfan Caerdydd pan enillon nhw Gwpan Cymru yn 1964, ac fe symudodd i Borthmadog y tymor canlynol.

Dychwelodd i’r Gynghrair Bêl-droed gyda Port Vale yn 1966 cyn symud yn ôl i Gymru unwaith eto, gan dreulio cyfnodau gyda Chroesoswallt a Hwlffordd.

Ni chafodd gerdyn melyn na choch erioed yn ystod ei yrfa, a fe oedd y trydydd Cymro erioed i sgorio pedair gôl mewn gêm (yn erbyn Gogledd Iwerddon).

Sgoriodd e chwe gôl dros Gymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed