Marw ‘yr artist o Fôn’

Diweddarwyd  


Gwaith yr artist Wilf Roberts, Tan y Castell (Llun: Oriel Tegfryn)
Mae’r artist o Fôn, gâi ei ystyried yn un o’r artistiaid tirluniau Cymreig mwyaf blaenllaw ei genhedlaeth, wedi marw yn 75 oed.

Bu farw Wilf Roberts yn ei gartref ar ôl dioddef salwch.

Ynys Môn oedd hanfod mwyaf ei waith ag yntau wedi’i fagu ym Mynydd Bodafon, cyn symud i Lundain yn 1962 lle bu’n dysgu celf ac yn astudio’n rhan amser yng Ngholeg Celf Croydon.

Yn 1974, dychwelodd i Fôn gan weithio i’r cyngor a’r Adran Addysg.

Trwy’r cyfan, daliodd ati i baentio ac wedi ei ymddeoliad ugain mlynedd yn ôl, ymroddodd yn llwyr i’w waith celf.

Arddangos ar draws y byd

Mae ei waith i’w weld mewn casgliadau cyhoeddus a phreifat yn yr Hâg, Paris, Efrog Newydd, Awstralia a’r Deyrnas Unedig.

Yn ddiweddar, bu galw mawr am ei waith yn dilyn amryw o arddangosfeydd yn Oriel Tegfryn, Porthaethwy ac yn ei oriel yn Llundain.

Câi ei adnabod am ei ddawn i ddarlunio’i amgylchfyd, boed hynny’n llonyddwch a symlrwydd yr hen fythynnod neu erwinder y clogwyni a’r moroedd o gylch yr ynys.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019