RSS

Golwg360

MwyCau 

Undeb Rygbi Cymru wedi ‘siomi’ Meri Huws

Medi 8, 2016 16:42 Diweddarwyd am 16:46


Meri Huws
Mae swyddfa Comisiynydd y Gymraeg yn “siomedig” bod Undeb Rygbi Cymru wedi “mynd yn ôl ar ei air” ar ôl cytuno i fabwysiadau Polisi Iaith Gymraeg a hybu’r iaith o fewn y gamp.

Daw’r sylw wedi i hysbyseb am swyddog y wasg newydd i’r undeb fethu a nodi bod y gallu i siarad neu ddeall Cymraeg yn rhywbeth fydd yn cael ei ystyried yn y broses benodi.

Yn ôl Meri Huws, fe wnaeth yr Undeb addo rhoi pwyslais ar y Gymraeg yn dilyn ymgynghoriad gyda’r Comisiynydd yn 2014, gan ddweud y byddai’n gwneud mwy i hybu’r iaith “ar y cae ac oddi arno”.

Cyn hynny, roedd unigolion a sefydliadau, gan gynnwys Dyfodol i’r Iaith, wedi bod yn galw ar y corff i wneud mwy o ddefnydd o’r iaith Gymraeg yn gyhoeddus.

Torri addewid

Wrth ymateb i’r swydd ddisgrifiad dan sylw, sy’n hysbysebu swydd gwerth tua £21,000 y flwyddyn,  dywedodd llefarydd ar ran y Comisiynydd y Gymraeg:

“Mewn cyfarfodydd â swyddogion y Comisiynydd mae Undeb Rygbi Cymru wedi ymrwymo i ddefnyddio mwy ar y Gymraeg ac i fynd ati i recriwtio siaradwyr Cymraeg ar gyfer swyddi yn y maes cyfathrebu.

“Fe ddarparodd swyddfa’r Comisiynydd gyngor i’r Undeb ar sut i fynd ati i recriwtio staff dwyieithog.

“Mae’n siomedig gweld nad ydynt wedi glynu at eu haddewid yn swydd ddisgrifiad ar gyfer swyddog cyfryngau.”

Mae golwg360 wedi cysylltu gydag Undeb Rygbi sawl gwaith, ac yn parhau i ddisgwyl ymateb.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.