RSS

Golwg360

MwyCau 

Arestio dyn ar amheuaeth o lofruddiaeth yn 1976

Medi 6, 2016 14:45 Diweddarwyd am 14:45


Mae dyn 57 oed o’r Fflint wedi’i arestio ar amheuaeth o lofruddiaeth wedi i’r heddlu ailagor achos hanesyddol yn deillio o 1976.

Ar 7 Ionawr 1976, cafodd merch ysgol bymtheg oed o’r enw Janet Commins ei llofruddio yn y Fflint.

Cafodd dyn ei garcharu am ddynladdiad ar ôl cyfaddef cyfrifoldeb am ei marwolaeth.

Ond, yn ôl Heddlu Gogledd Cymru, mae tystiolaeth newydd wedi dod i’r fei yn ddiweddar sy’n golygu eu bod wedi cael hawl i archwilio dau safle yn y Fflint ddoe.

Wedi hynny, fe wnaethon nhw arestio dyn lleol, nad sydd wedi’i gysylltu â’r achos o’r blaen, ar amheuaeth o lofruddiaeth a thrais.

Deugain mlynedd…

“Mae datblygiadau sylweddol wedi bod i gynorthwyo ymchwiliadau’r heddlu dros y ddeugain mlynedd diwethaf a newidiadau sylweddol ar sut rydyn ni’n delio ag ymchwiliadau o lofruddiaeth,” meddai Uwch Swyddog Ymchwilio Heddlu’r Gogledd, Iestyn Davies.

“Mae tîm ymroddedig wedi gweithio ar yr ymchwiliad hwn ac o ganlyniad mae tystiolaeth bellach wedi dod i law sy’n galw arnom i adolygu holl amgylchiadau o ran yr ymchwiliad cychwynnol. Am hynny, rydym wedi cyfeirio’r achos at Gomisiwn Cwynion Annibynnol yr Heddlu,” meddai.

Dywedodd y dylai unrhyw un sydd â gwybodaeth am yr achos gysylltu â’r Heddlu ar 101 neu Daclo’r Taclau ar 0800 555 111.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.