Gogledd orllewin Cymru’n gyrchfan chwaraeon eithafol

 


Gwifren zip ym Methesda Llun: Gwefan Zip World
Mae  dau o atyniadau gogledd Cymru wedi llwyddo i gyrraedd rhestr o 20 o anturiaethau eithafol gorau’r byd gan wefan TravelSupermarket.

Llwyddodd y ‘catapult blob’ yn Surf Snowdonia yn Nolgarrog, Sir Conwy, i gyrraedd rhif 18 yn y rhestr, a daeth gwifren zip Velocity yn Zip World, Bethesda i frig y rhestr.

Mae’r ddau atyniad yn unigryw gan mai Surf Snowdonia yw’r llyn syrffio artiffisial masnachol cyntaf yn y byd ac mae’r wifren zip Velocity yn caniatáu i bobl deithio ar gyflymder o fwy na 100 milltir yr awr.

Roedd anturiaethau eithafol eraill ar y rhestr yn cynnwys neidio bynji i mewn i losgfynydd yn Chile a hela stormydd yn Nyffryn Tornado yn yr Unol Daleithiau.

‘Rhoi Cymru ar y map’ 

Wrth longyfarch y ddau atyniad, meddai AS Aberconwy Guto Bebb: “Yn ddiweddar, mae gogledd orllewin Cymru wedi cael ei enwi’n brif ardal antur Ewrop ac mae cael dau atyniad yn cyrraedd 20 gorau’r byd yn dangos bod yr enw da yn un haeddiannol iawn.”

“Rwy’n arbennig o falch o weld Aberconwy, sy’n gartref i Surf Snowdonia a Zip World yn chwarae rhan flaenllaw yn rhoi Cymru ar y map.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed