Owain Doull – y Cymro Cymraeg cyntaf i ennill medal aur Olympaidd

 


Owain Doull - y Cymro Cymraeg cyntaf erioed i ennill medal aur Olympaidd (Llun: Wikipedia/Jeremy Jannick)
Owain Doull yw’r Cymro Cymraeg cyntaf erioed i ennill medal aur yn y Gemau Olympaidd, a hynny fel aelod o bedwarawd yr ymlid beics yn Rio de Janeiro

Dyma’r trydydd tro o’r bron i Brydain ennill y fedal aur yn y gamp hon, yn dilyn eu llwyddiant yn Llundain bedair blynedd yn ôl ac yn Beijing yn 2008.

Curodd Prydain Awstralia yn y rownd derfynol, gan dorri record y byd wrth orffen y ras 4km mewn tair munud, a 50.265 o eiliadau.

Y tri aelod arall o’r tîm oedd Ed Clancy, Steven Burke a Syr Bradley Wiggins, sydd bellach wedi ennill mwy o fedalau nag unrhyw Brydeiniwr arall yn hanes y Gemau Olympaidd (wyth – gan gynnwys pum medal aur).

Ar ddiwedd y ras, dywedodd Doull wrth Radio Cymru: “Sai’n gallu rhoi e mewn geiriau i fod yn onest.

“I mynd mewn i’r ffeinal yn nabod basen ni’n dda, a basen ni probably yn ennill ond basen ni’n agos i’r Australians…

“I ennill mor scrappy ond record y byd yn y ffeinal… Mae hwn yn popeth chi eisiau mewn team pursuit final i ennill.

“O’n ni wedi mynd allan mor galed ag o’n ni wedi o’r blaen. O’n ni’n gwybod basen nhw angen mynd allan yn galed i trio cracio ni. Ond o’n ni gyda cryfder yn y diwedd.”

Wrth groesawu’r dathliadau, dywedodd Doull: “Mae hanner y Velodrome gyda Union Jacks… sbesial.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed